4.3.5. Фонд Васийлик кенгашининг ваколатларига қуйидагилар киради:

• жамоат фонди фаолияти устидан ҳамда ушбу фаолият қонун ҳужжатлари ва фонд Уставига, фонд Васийлик кенгашининг қарорларига мувофиқ бўлиши устидан назоратни амалга оширади;
• жамоат фонди Уставига киритиладиган ўзгаришлар ва қўшимчаларни тасдиқлайди;
• фонд бошқаруви ва тафтиш комиссияси таркибий сонини белгилайди ва уларнинг аъзоларини беш йил муддатга сайлайди;
• жамоат фонди бюджетини тасдиқлайди;
• жамоат фондининг йиллик балансини, йиллик сметасини, йиллик иш режасини, йиллик молиявий ҳисоботини, шу жумладан фонд бошқарувининг ўз фаолияти тўғрисидаги ҳисоботини тасдиқлайди;
• жамоат фондининг пул маблағлари ва бошқа мол-мулкларидан фойдаланилиши ва сарфланиши устидан назоратни амалга оширади;
• жамоат фонди бошқарувининг фонд Уставида белгиланган мақсад ва вазифаларга зид бўлган қарорлари ижросини тўхтатиб қўяди ёки уларни бекор қилади;
• жамоат фонди бошқарув раҳбарини сайлайди ва лавозимдан озод қилади;
• қонун ҳужжатларига мувофиқ бошқа ваколатларни амалга оширади.